Parliamentary Ethics Committee chuan thamna sum laa zawhna zawta puhnaah Trianmool Congress MP Mahua Moitra-i chu parliament atanga hnawl tura tihna a pawm a. Member parukin hnawl tura an pawm laiin parukin an duh lo nia sawi a ni.
NDTV-in draft report an siam a zirnaah chuan member a nihna paih tur hian a chet dan chu ‘pawmzamsak theih loh, tihdan phung lo, pawi khawih leh dan bawhchhia’ niin an ziak.
Eptu MP-te erawh chuan meeting-ah hian hnawl tura tihna chu an duh lo hle tih pawh tihlan a ni a. An ngaihdan a inan loh nasat avangin vote hi an la ta a ni.
Committee-in rawtna an neih hi Zirtawpni hian Lok Sabha Speaker Om Birla hnenah an thehlut dawn a ni.