Denver Nuggets coach Michael Malone chuan NBA a coach hlawh hnem ber zinga tel turin contract pawhseina a ziak dawn.
Malone hian kuminah Nuggets chanchin a vawikhatna atan a team hi NBA title a lakpui a. Star player Nikola Jokic chher hriamtu a nih bakah tuna a roster neihlai a player awmte an tha rual bawk nen, a team lamin NBA champion la nih belh thei turin huntha an nei niin an inngai a, hei vang hian coach hi contract ziah belhna an zawrh a ni.
Malone hnuaiah hian Denver in tun regular season-ah match 10 atang vawi 8 chak neiin bul an tan nghal a, Western Conference ah hma an hruai mek.
Kum 2015 khan Malone hian Denver team hi enkawl tanin a hnuaia season riat an khelh chhungin hma an sawn hle a. Playoff khelpha lo an nih hnuah team thar dinin NBA Playoffs a team tha zingah a hlangkai a, kuminah a champion pui ta a ni.
Kumin Playoffs-ah Denver hi match 20 atang vawi 16 an chak a, kum 2017 a Golden State Warriors an champion tum a an record ang niin anni pahnih tluka Playoffs thununtu tunhnaiah an awm lo.