Myanmarese mi pariatte chu Assam Rifles-in Indo-Myanmar ramri bul, Manipur-a Moreh khuaah an man a, an mi mante hi zin phalna lehkha mumal nei lo an ni.
Tengnoupal district-a an mi man zinga pathumte hi AR sipaite hian a ruka ramri kâna an ram, Myanmar-a luh leh an tum lai an man a ni a. Mi dang panga erawh hi chu Moreh khuaa hotel pakhatah an man thung a. An chungchang hi chhui zui mek an ni hlawm.
August 10 khan Imphal Airport-ah Rohingya mi paruk man an lo ni tawh a. Heng mite hi New Delhi atanga thlawhnaa tum chiah niin lehkha lem siamchawp an lo hmang a ni.
Tun hnaiah Nagaland leh Manipur-ah Myanmar mi, dan lova India-a lut man an tam hle.