Italy champion Napoli chuan an head coach Rudi Garcia chu an ban a, an manager hlui Walter Mazzarri hmangin an thlak.
Kum 59 mi French manager Garcia hian June thla khan Napoli hi zawmin champion puitu Luciano Spalletti a thlak a. A hnuaiah game 16 khel tahwin beisei angin bul an tan lo.
League hmahruaitu Inter Milan hnuaiah awmin point 10 laiin an hniam zawk mek.
Kum 62 mi Mazzarri hian kum 2009 atanga 2013 chhung khan Napoli hi a lo enkawl tawh thin a. Kum 2012 khan kum 20 chhunga an trophy lak hmasak ber ni turin Coppa Italia a lo lakpui tawh a, hemi tum hian league-ah tlawm miah lova champion Juventus chu final-ah an hneh.
A kum lehah Serie A-ah pahnihna a nihpui a, UEFA Champions League a khelhpui.
Mazzari hian kum 2016-17 season khan Premier League club Watford pawh a lo enkawl tawh bawk a ni.