RAM 90 zet atanga kalkhawm nula chhuanawm zingah Miss Nicaragua Sheynnis Palacios chu Miss Universe 2023 atan thlan niin, pahnihnaah Miss Thailand a lang a, Miss Australia chu pathumna a ni.
Miss University 2023 zawhna hnuhnung berah, ‘Hmeichhe dang dinhmun dik takah kum khat dang la awm thei ta ang ni la, tunge i thlan ang a, engnge a chhan ni ang,” tia zawhna chu Miss Australia chuan A nu dinhmun ah din ngei a duh thu a sawi laiin, Miss Thailand chuan channaah, ‘Malala Yousafzai’ a vawrhchhuak a, Taliban ho laka ami te tana huaisen taka ding ngam kha a ni.
Hetih lai hian Miss Nicaragua ve thung chuan mi rin lo leh beisei loh dan ang takin a chhang thung a, hmeichhe dikna leh chanvo humhalh leh vawnhimna kawngah thawhhlawk tak leh Mother of Feminism tih hiala an koh thin Maryh Wollstonecraft hming a lam ri thung.
Beiseina sang tak karah Miss India Shweta Sharda (23) chu semi-finals ah a hmel hmuh tur a awm rualin, top 10-ah erawh a lang chhunzawm tawh lo a ni.
Miss Universe vawi 72-na hi Jose Adolfo Pineda Arena, San Salvato, El Savador-ah neih a ni a, Miss Uiniverse 2022 USA- Ronney Gabriel-a’n mipui authawm leh kutbeng ri nasa tak karah crown la thla in, Miss Universe 2023 a khim tir a, khawvelin Miss Universe thar a nei chhunzawm ta.