Mizoram Florists’ Association buatsaih ni li chhung awh tur, Florist Winter Fair chu nimin atang khan Aijal Club park-ah neih tan a ni.
Florist Winter Fair hi Horticulture department Commissioner & Secretary Garima Gupta chuan a hawng a, pangpar khawituten an thar chhuah pangpar leh a triakte zawhna chhuahna tur hun tha buatsaih a ni chu lawmawm a tih thu a sawi.
Tun tum fair-ah hian pangpar tiak, pot, lei tha, thlai tiak leh pangpar kaihhnawih chi hrang hrang zawrhna dawr 70 vel hawn a ni a, fair hian Inrinni thleng a awh ang.
Mizoram Florists’ Association hi kum 1997 November thlaah din tan a ni a, kum tin tum pangpar leh a kaihhnawih zawrh chhuahna hun fair an buatsaih thin a, tun dinhmunah Mizoramah MFA hnuaiah branch 27 awmin, member mi 500 chuang an awm mek a ni.