Aizawl: Tourism Minister Robert Romawia Royte chuan nimin khan Union Civil Aviation Secretary Vunlunmang Vualmam chu a pisaah kawmin tun hnaia Kolkata to Aizawl leh Aizawl to Guwahati inkara thlawhtheihna chuan man to uchuak lutuk chu endika tihhniam a nih vat theih nana hma la turin a ngen.
Robert Romawia Royte chuan Kolkata to Aizawl inkar thlawhtheihna ticket man Rs 4,500/5,000 ni thin chu, tun hnaiah Rs 14,000/15,000 te a ni ta tih sawiin, “Hei hi Zoram mipuite tawrhna a nih piah lamah airline-ten mipui an zah lohzia tilangtu a ni,” tiin, Mizorama service turin airline tam zawk mamawh a nih thu pawh sawiin hma lakpui turin a ngen nghal.
Tourism minister hian Mizoramah helicopter service indaih lohna a nasat thu sawiin, helicopter thar tha Mizoram tana ruahmanpui turin union civil aviation secretary a ngen bawk.
Union Civil Aviation Secretary Manga chuan theihtawp chhuaha lo enpui a tum thu minister hi a hrilh a ni.
He hunah hian Laldinliana Fanai, Chief Financial Controller, Civil Aviation & Tourism Ministry pawh a tel a ni.