Lunglei district IT team ten District Election Officer Ramdinliani hovin MLA inthlan vote chhiar ni-a result ENCORE hnuaia data upload dan tur RO leh ARO te briefing neihpui an ni.
Inrinni khan Lunglei District-a MLA bial 6-a Returning Officer te leh Asst. Returning Officer te chu vote chhiar nia ENCORE hnuaia IT team ten ETPBS (Electronically Transmitted Postal Ballot System) leh ENCORE (Enabling Communication on Real-Time Envinronment) chungchangah briefing an nei a. ENCORE IT Team ten RO leh ARO te chu counting day-a ENCORE hnuaia Inthlan Result Data upload dan tur leh IT kaihhnawih thil RO leh ARO te hriattur pawimawh hrang hrang briefing an nei.
Vote chhiar ni hian Constituency pakhat IT Team member 2 zelin an thutchilh dawn a ni.
Inrinni vek khan Lunglei District Election Officer Ramdinliani ho vekin, MLA inthlanpui vote chhi- arnaa Counting Official – Counting supervisor, Counting Ass- istant leh Micro Observer te 1st randomisation neih a ni a. Counting supervisor tur 57, Counting assistant tur 57 leh Micro Observer tur 57 te chu counting official tur te database atangin computer-in a thlang chhuak a. Second randomization-ah Counting Supervisor, Counting Assistant leh Micro Observer te chu an awmna tur AC-ah theuh computer hmanga thliar an ni ang a. Third Randomisation-ah an thutna tur table theuh thliarfel lh a ni aang.
Lunglei District hi vote chhiar turin a inpeih thawkhat tawh a, Saikuti Hall-ah Cou- nting room 6 siam niin, a rualin Constituency 6-a vote tla te chhiar a ni ang.
Vote hi round 4 a chhiar zawh tura ruahmanna a ni a, postal ballot atanga bultanin zing dar 8:30 ah EVM CU te chhiar theih tura ruahman a ni.