Ian Machado Garry chuan pneumonia a vei a vangin tun Pathianni zinga UFC 296-ah Vicente Luque a hmachhawn thei dawn lo tih UFC president Dana White chuan a sawi.
Machado Garry hi Nilaini a UFC 296 media day-ah a inlan tawh lova, hemi chungchang zawhna chhangin White chuan a dam loh hnuah pneumonia a vei tih hmuhchhuah a ni tih a sawi a. Hun a chep tawh avangin a thlaktu tur an ngaihtauh dawn lo tih a sawi bawk.
13-0 record nei Machado Garry hi UFC a fighter ngaihven hlawh leh invawrh lar chak tak a ni a. August thla khan Neil Magny lakah UFC 292-ah a chak tawh.
Kum 26 mi hi UFC welterweight rankings-ah No. 10 a ni mek.