Australian Open mipa singles inelnaah seeded number two nihna changtu Carlos Alcaraz chuan duhthusam deuhthaw a khel ka ni tia a insawi zanah Miomir Kecmanovic a hneh a, quarter-final a inhlangkai.
Grand Slam title vawi hnih la tawh Alcaraz hian Melbourne Park-ah a vawikhatna atan quarter-final a khel dawn a, 6-4 6-4 6-0 in a khingpui hi a hneh.
Kum 20 mi hian a la thlen thui ngai lohna hmunah a sang pariat zinga tel turin a kheltha hle a. A ball vuak nat leh a tlan taihmakna leh chetranna te chu world number 60 lakah a chhawr hle.
World number one hlui hian break point vawikhatmah hmachhawn lovin ball vuak dik atanga point hmuh vawi 43 a nei a, inkhelah a chungnung chiang hle.
“Engkim ka vuak kha a dik deuh vek mai a ni. Ka tan chuan inkhel duhawm tak niin ka hria.”
“A theihna zawng zawnga a khelh ngai turin ka nawr na a, tunhnaiah set kha inkhel a hmachhawn hnem bawk avangin a taksa a chau ang tih kha a hriat lawksa bawk. Rod Laver Arena-ah ka inkhel tam telh telh a, ka mikhual lo telh telh.” tiin inrintawkna a neih belh zel thu a sawi.
Alcaraz hian seeded number 6 Alexander Zverev a hmachhawn ve leh dawn a. “Sasha hmachhawn hi nuam ka ti a, kan pahniha kan inkhel hian tennis level sang tak kan lantir thin in ka hria. Ani hneh tur hian a tha thei ang bera ka khelh a ngai fo thin.” a ti bawk.
German star Zverev hian British number one Cameron Norrie a hneh ve thung a ni.