Spanish champion Barcelona chu cup inelna Copa del Rey a an zinkawng a tawp a. Athletic Bilbao lakah 4-2 a tlawmin quarter-final an pel zo lo.
Nilaini zana San Mames Stadium a inkhelah hian Athletic tan Africa Cup of Nations khel zo hlim Inaki Williams a langsar viau a. Second half-ah inkhel tura dah luh niin extra-time ah danglamna siamtu a ni.
Williams hian goal a khung hnuah a nau Nico Williams goal khung tur a siamsak ve leh bawk.
Athletic hian Gorka Guruzeta hmangin minute khatnaah goal khung mahse Barcelona in Robert Lewandowski leh Lamine Yamal hmangin an sut a. Yamal hi Copa del Rey a goal khung thei naupang ber a ni bawk.
Oihan Sancet-a’n second half ah Bilbao si phurh a sut ve leh a ni.