AZL: Mizo Zirlai Pawl (MZP) chuan nimin tlai dar 3:30 khan MZU Registrar leh Dean Students’ Welfare te hmuin, Meitei hel (Arambai Tengol) hnena silai mu man tur khawna hlantu, MZU hnuaia PhD ti lai, Teresa Nungthujam chu zirna a chhunzawm theih tawh lohna tura hmala turin a ngen.
Thuchhuah an siamah MZP chuan, “MZU thuneitute hnenah MZU hnuaia PhD HAMP a tih mek hi tihtawpa a zir chhunzawm theih lohna tura hmala turin ngenna a theh lut a ni,” an ti.
MZP chuan hetianga huangtau taka Mizoram chhunga zirlai ni mek Meitei nulain Meitei hel tana donation a lo khawn chu pawi an tih thu leh an ngaih thutak thu tar langin, “Mi thiam, zirna sanga zir mekin hnam leh hnam inkara buaina tichhuak a, tipunlun thei tur zawnga hma a la hi pawm thiam har,” tiin, MZU hnuaiah zirna a chhunzawm theih tawh loh ngei nan hma lak chhunzawm zel an tum thu MZP thuchhuah chuan a tar lang bawk.