Kolasib District Level Committee on Narcotics Coordination Centre (NCO- RD) chu nimin khan an Chairman, Kolasib Ba- wrhsap John LT Sanga hovin an thukhawm a. Kolasib District-a ruihhlo do kawnga hma- lakna hrang hrang thlir hovin, hmalak zui zel dan tur an ruahman.
Chairman John LT Sanga chuan sawrkarin ruihhlo do leh a ngawl- veite enkawl zuina lam a ngaipawimawh hle nia sawiin, district le- vel-ah pawh theihtawpa ṭanlak a ṭul thu a sawi a. Ruihhlo chu ram leh hnam hmelma lian tak a nih avangin tha thlah lova do a ṭul thu te, chumi tur chuan sawrkar department, tlawmngai pawl, kohhran leh mipui ten thawhhona ṭha neih a pawimawh thu te a sawi.
Ṭhenawm ram leh state-a buaina remcha- nga laa ruihhlo tawlh an awm ṭhin avangin fim- khur lehzual a ṭul thu pawh Kolasib Bawrhs- ap chuan a sawi a. Rin- hlelhawm deuhva an hr- iat chu thuneitute hnena hriattir vat ṭhin turin District mipuite a chah. Kolasib District Addl. SP David J. Byhnadaolai leh Kolasib Sub-Headquarters YMA President Thomas D. Lalengliana ten ruihhlo do kawnga an hmalaknate an report a. Kolasib District chhunga ruihhlo lut leh District paltlanga ruihhlo tawlh veng tur leh tirem tura hmalakna kal mek leh hmalak zui zel dan tur te sawihovin, Police, Excise leh YMA te nen hmun rinhlelhawm leh ngaihmawhawm lai deuh dap chhuah beihpui thlak ni se, an ti a. Ruihhlo vanga buaite enkawl zuina chungchang leh ṭhalai ten ruihhlo an khawih loh nana zirna in hrang hranga ruihhlo ṭhatlohzia inzirtirna kalpui chungch- ang te an sawiho bawk.
Kolasib District Police te chuan kum 2023 chhung khan damdawi chi hrang hrang – her- oin (4.709 kg), pseudoephedrine (194 kg) leh methamphetamine (10.5 kg), a zavaia Rs nuai 578 chuang man hu an man a. Hemi kaihhnawihah hian case 17 ziak lutin, mi 23 an man a. Kuminah heroin gram 824.44, Rs nuai 23 chuang hu man leh tawhin, case 4-ah mi 7 man an ni.
Nikum chhung khan zu chi hrang hrang Rs nuai 1,179 man hu manin, case 3 ziahluh a ni a. A neitu mi 3 leh a phurhna lirthei 3 an man tel. YMA Kump- uan Committee-in duty ṭum 175 an neih aṭangin zu leh damdawi chi hrang hrang engemaw- zat an man bawk.
Kolasib District Police te chuan nikum chh- ung khan sikul hrang hrang panga – CZ HSS, St John’s HSS, Saiphai HS, Kawnpui HS leh Bairabi PS-ah te ruihhlo ṭhat lohzia inzirtirna awareness campaign an buatsaih a. Kolasib District chhungah zu leh damdawi ngawlvei en- kawlna home/centre pa- thum – TNT Khuangpuilam; Jordan Centre, Seṭhawn leh Golgotha Camping Centre, Vair- engte te a awm a. He’ngah hian enkawl lai mi 483 (mipa 398 leh hmeichhia 85) awmin, dam- dawi vanga enkawl mi 348 leh zu vanga enkawl mi 135 an awm a ni.