AZL: Chief Minister Lalduhoma’n nimin khan a pisa-ah Hnahlan Grape Farming & Processing Cooperative Society hruaitute a kawm a, an hmalakna te a sawipui.
Chief Minister hian, grape chin chu chhungkaw tam takte eizawnna pawimawh a nih tawh avangin an hmalaknate hi tihpuitlin a, tihlen zel a tul tih a sawi a. Wine siamna plant tilian tura ruahmanna siam mek pawh hi Industries department kaltlangin chak takin an bawhzui tur thu leh, tihhlawhtlin ngei an tum tur thu te, an dilna sorkarin a bawhzui tur thu bakah Wine vendors license chungchang pawh sorkarin chik zawka a lo zir tur thu a hrilh bawk.
Hnahlan Grape Farmers & Processing Cooperative hruaitute hian chief minister Lalduhoma zarah dan anga Grape Wine te zuar leh thei an ni tih an inhriat avanga lawmthu sawi tura an hmuh thu an sawi bawk.