- Dr. C. Lalrampana
A KAMKÊUNA
Thil tak tak ni lo, milem, thlalak, duplicate, lemchan nun, dâwt thu, milim, drama, milem pathian, intimihlim, tawnghriatloh der, certificate lem, document lem, ID lem, adhar lem, ration card lem, birth certificate lem, lirthei document lem, driving license lem, bank lem, khawizu suak, bawnghnute giu suak, shillong aieng suak, bawnghnute tuipawlh loh suak, LSC lem, LSC thlâwk thei, contractor lem, work order lem, zawlnei der, Kristian dazat, thuhriltu der, company lem, pen name, fake account leh thil dang dang sawi tur a va’n tam tehlul êm! Hetiang hnâwmhneho hian khawvel a tihnawkin a bawh buai thei hle.
Account lem chu?
Account lem [Fake account] hi online account, user dik tak ta ni lo a ni. Thenkhat chu satirical reasons avanga siam an ni a, thenkhat chu scamming avanga siam an ni a, thenkhat chu thuthar dik lo leh hriattirna dik lo thehdarh duh vangin an siam bawk. Vawi tam tak fake account hi bot hmanga enkawl a lo ni tawh thin. Fraudsters-te hian fake account siamna hmangin review site-te chu an product review tha tak tak emaw, an inelpui product chungchanga negative review emaw hmangin an flood thin. Fake account hmang hian promo abuse, payment fraud, leh identity theft-te pawh a awm thei a, a lo berah pawh Content spam kalpui kawngah an thawhhlawk hle a, platform-a hmangtu dangte tan pawh experience a tichhe nasa hle. Feb.13/2024-a Mizoram CM Delhi zin hawin Press mite hmaa a sawi ang khan Account lem hian khawvel pumpui mihring nunphung leh abikin Mizo khawtlang nun a nghawng chhe mek a ni. CM-in account lem siam chingte man chhuaha hremna pek zel a tumna hi rilru, thlarau, taksa, chakna, theihna, ngaihtuahna zawng zawnga pawmpuia Halleluiah Amen pek tlak a ni.
Bot ve thung hi?
Bot hi internet emaw network dang emaw-a autonomous program, system emaw user emaw nena inzawmna nei theih hi a ni. Bot chu duh duh database-ah data dah turin program theih a ni. Bot hi automated software application a ni a, network kaltlangin hna repetitive tak tak a thawk thin. Mihring nungchang entawn turin thupek bik a zawm a, mahse, a rang zawk a, a dik zawk bawk. Bot hi mihring inrawlhna tel lovin mahni inrintawkna neiin a kal thei bawk.
Sum tihchingpen, Lemchan thiam lote chuan dan loa hnathawhna atanga sum hmuh chu account lem hmangin an tifai thin.
Chatbot hian ticket awm theite chu an intercept a, an deflect a, hei hian agent-te hnathawh a ti awlsam hle. Hna tihnawn fo thinte an buaipui a, zawhna tlangpui an chhang a, self-service option an pe bawk a, customer-te chu an mamawh chhanna an hmuh theih nan an pui bawk. Hei hian agent-te chu an thiamna thil buaithlak tak tak emaw, mihring khawih ngai dilnaah emaw a dah thei a ni. Tunlai hunah hian pawl hrang hrangte chuan an client-te tanpui nan leh hmun thar zawn nan 24×7 an thawk mek a ni. A thatnate chu:
Thil tihsual tihtlem;
Operational Cost a tihhniam; Sales leh Engagement a tipung; thil mamawh thlirletnate a ni a; tin, thatlohna lai a nei bawk entir nan-
Natural Language Hriatthiamna tlem zawk a thlen;
Hriatthiam lohna sang zawk thil a awm thei. Hetiang hi bot dinhmun leh awmzia chu a ni. Social media bot hmanna ber chu account dangte lar nia lang tihpun a ni.
Fake account engzat nge awm?
Kum 2023 January thla thleng khan khawvel mihring tluklehdingawn 4.76 (59.4%) chuan social media an hmang tawh a (Statista, 2023). Khawvel puma platform lian ber Facebook, users tluklehdingawn 2.59 nei (Statista, 2023) chuan Facebook-a active account 4-5% chu fake a nih thu a chhut chhuak a ni. Chu chu maktaduai 103.6 -leh maktaduai 129.5 inkar a ni. (Ref.10 Oct 2023] Spam/fake accounts hian users 5% aia tlem a entir a ni. A tweet-ah hian tun hnaia Twitter filing chungchanga news article link a awm a, company chuan spam leh fake account hmangtu 5% aia tlem lo an nih thu an chhut chhuak bawk. Chuvangin, fake account hi a tlem lem lo hle tih a hriat theih.
Instagram fake account?
Thla tin active users tluklehdingawn hnih neiin, kum 2023 chhunga social media platform lian ber pathumna a ni a, Facebook leh YouTube hnuaiah chiah a awm. Mahse statistics chuan Instagram account sawm zinga pakhat chu fake a nih thu a tarlang. Chu chhut dan atang chuan tunah hian Instagram account lem maktaduai 200 vel a awm tihna a ni. Hetiang hi a nih takzet chuan instagram hian ama phu lohvin account lem a ngah tihna a ni. Hetiang avang hian inbumna hlirin khawvel social media platform hi a khat zo ta a, fimkhur a ngai hle tih a hriat theih. Chuvangin, IG hman kawngah fimkhur hle a ngai tih hriat reng tur a ni.
Social media platform account lem ngah ber?
Facebook: Account lem tluklehdingawn 1.3 (Q4 2022)
Twitter: Fake account 90,822 (Q4 2021–he data hi platform dangte pek aiin a hlui zawk a ni. TikTok: Account lem 50,963,108 (Q4 2022) a ni a. Heng atanga uluk taka thlir hian account lem ngah ber social media platform chu tunge tih hriat thiam theih a ni.
Account lem hman hi dan kalh a ni em?
Profile lem siam hi a pianphungah dan bawhchhiatna a nih loh laiin, thil tha lo tihna atana hman a nih chuan dan anga ramri khamsa a pel thei a ni. Entirnan, account lem chu identity rukbo, tihbuai, bumna, emaw thu dik lo thehdarhnaah a inrawlh a nih chuan dan anga thil thleng a ni a, man theih a ni. Mizorama account lem hmangtu tam berte hian dan ramri an pel tlangpui thin. A tha zawnga hmangtu tan erawh hmanraw tangkai tak a ni thei bawk. Account lem hi launchpad atan hman a ni fo a, bumna thil tih a ni. Account lem hian bum hmangte tan hun remchang tam tak a siam a ni. Fake account hmang hian promo abuse, payment fraud, leh identity theft-te pawh a awm thei a ni.
A TLÃNGKAWMNA
Tunlai inbiakpawhna hmanraw changkang tak tak social media platform hman thiam kawngah Mizote hian harsatna nei bik lovin rual kan pawl pha ve zel a. Amaherawhchu, changkan dan tha lo zawnga kan changkang thin hi thil pawi tak a ni. Fake account pawh hi hnam changkangho hman tangkai dan ang lo hretin kan hmang mek a. Midang pawisawina leh lemchanna hmanraw bawlhhlawh takah kan hnang tangkai thin hi thil pawi tak a ni. Kan CM-in he thil thalo tak a rawn ngaimawh hi a lawmawm takzet a ni. Kei ngei pawh hi fake account hmanga beih ka ni tawh a. Millionaire farmers of India Award, 2023 dawngtu Pu Vanlalfela, N. Vanlaiphai pawh hi fake account hmanga beih a ni tawh a, complaint theh lut mah se ZPM Sorkar hma a nih avangin chhuichhuahsak a ni ta lova a pawi hle. Nov. 27, 2020 atang khan Cyber Crime Police Station nei tawh mah ila chhui chhuah theih leh theih loh an nei hrang thin emt ni a tih theih hial thin. Fake account hmanga midang beih chingte hi dimna nei miah lovin, an pawi khawih dan azirin thuneitute hian hrem hmiah hmiah zel se, mi tam tak hrem an ngai lovang. Fake account hmang thinte pawh hian dan huang chhungah him takin hmang mai se buaina zakhua an tawk lo mai tur! Tunhnaia man chhuah fake account hmangtu Spa Jongte, MNF Gen. Hqrs-a Joint Secretary pawh khan a tha zawngin hmang se chuan police nen innawr buai luih luih a ngai lo mai turt Fake account hmanga midang beih chin hi thil tenawm tak, mi dawizep thiltih a ni. Mizo Kristian dik tak kan nih chuan hmaihmaah inhmatawnin huaisen taka inzilhau, thurawn inpektawn ngam mai tur tih hi I hrenawn mawlh teh ang u.