Vice President Jagdish Dhankar chuan chhuanthar naupang zawkte chu politics zawm turin a sawm a. New Delhi-a ni li awh tur Indian Students’ Parliament a hawnnaah zirlai leh thalaite hi a sawm.
Dhankar chuan, “Politics hi mipuite rawngbawlsakna atana lirthei a ni a, vantlang nun leh khawsak phung thlakna hmanrua a ni,” a ti.
Vice president chuan politics chu hmasawnna sang zawng thleng tura a chuanna tur lirthei a nih thu leh mipui rorelna innghahna lungphum tihchakna hmanrua a nih thu a sawi bawk.
Dhankar chuan tun hnaiah thalai sang tam takin politics thil ngaihven ram kalphungte an bengkhawn hle chu lawmawm a tih thu a sawi a. Vice President chuan, “Retheihna leh lehkha thiam lohna tiborual tura chet chhuah hi kan mamawh a ni a, a bak khawthlang tana thil tha tihbo hi a tul bawk,” a ti.
Dhankar chuan thalaite chu ram chhunga ei rukna leh khawthlang nun tichhe thei thil tihbona leh beihna kawnga hmahruaitu leh tha thawh hlawk thei ber an nih thu a sawi bawk.