Ram chhunga pheikhawk siamtu lian tak, Paragon Footwear building, Kerala-a mi chu nimin khan a kâng a, an showroom-cum-godown a ni a, a kâng chhe nasa hle a, mihring thi leh hliam erawh an awm lo hlauh.
He kângmei hi nimin chawhma dar 9.30 vel atanga kang tan a ni a, kangthelhtuten thelh tumin an bei nghal a. Showroom hi Ernakulam South railway station bul lawk a ni a, Kochi Metro bul lawk a nih bawk avangin rel kal vel pawh a buai phah deuh.
Tualchhung legislator Hibi Eden chuan mei hi thelh tumin thawktuten an bei nasa hle a, Cochin Shipyard-a tui phuhna pawh an hman tel thu a sawi a. “In hi a chim mai pawh a hlauhthawnawm avangin chet zung zung a ngai a ni,” a ti.
Company chuan an hnathawkte chu kângmei a chhuah veleh hian rang taka an thiar chhuah nghal avangin an him tih an sawi a. An chhut thuak dan chuan Rs Vbc 4 hu vel bungrua leh thil dang a kâng chhia tih an sawi bawk.