Aizawl : Telangana Governor Tamilisai Soundararajan-i hovin nimin khan ‘Ek Bharat Shreshtha Bharat’ denchhenin Hyderabad-a Raj Bhavan-ah Mizoram leh Arunachal State Day lawmna hun hman a ni.
Hyderabad-a Mizoram leh Arunachal State Day lawmnaah hian Hyderabad Mizo mi 60 te leh Aruna- chal mi 7 vel an tel a. Tela- ngana sawrkar-a Secretary, Health, Medical & Family Welfare changtu Dr Chris- tina Z Chawngthu leh Delhi atangin Dr Christina Z Chawngthu pasal Dr Fran- klin Laltinkhuma a tel bawk.
Hyderabad Mizo Association-in Mizo hnam lam ‘Cheraw’ an entir a, Governor hnenah Mizo puan ‘Ngote- kherh’ an hlan bawk a ni.
Nimin vek khan Kolkata Raj Bhavan-ah pawh Mizoram State Day leh Arunachal Pradesh State Day an lawm a. Kolkata-a Mizo sawrkar hnathawk awm te leh Mizo Welfare leh zirlai hruaitu engemawzat an tel.
West Bengal Governor Dr CV. Ananda Bose chu hna ṭul avanga a awm remchan loh avangin Adviser to Governor Dr SK Patnaik hovin he hun hi an hmang a. Mizoram aiawhin Joint Resident Commissioner Jacob Lalawmpuia leh David Z. Chongthu, IRS ten thu an sawi a, Mizoram Governor Dr. Haribabu Kambhampati hnen atanga ram pawna Mizo awm te tana State Day thuchah video clip an thlirho bawk.