Aizawl : Jawahar Navodaya Vidyalaya, School Campus, Luangpawl Mamit ami chu Prime Minister, Nadrendra Modi-a’n nimin khan biakhmuhtheihna hmangin a hawng.
Hemi puala JNV School Campus, Luangpawl, Mamit-a hun buatsaih chu Mamit bialtu MLA Er. H. Lalzirliana’n a hmanpui.
Prime Minister chu- an zirna kawnga hma- lakna bakah India ram chawikanna tura scheme hrang hrang kalpuite a sawi a, heng scheme hnuaia hnathawhte hi a chhawrtu mipui ten tangkai leh hlawk taka an hman thu a sawi bawk.
Mamit bialtu MLA Er H Lalzirliana pawhin JNV School Campus, Luangpawl, Mamit ami hawn theiha zawh a ni ta chu lawmawm a tih thu a sawi a. Building sak zawh a nih theih nan theihtawp chhuah a nih thu sawiin, JNV Campus chu Mamit tan chauh ni lovin District chhung zawng zawngte ta a nih thu a sawi a. District chhunga hnam hrang hrang ten zirna hmun- khata an zir chu hmuhnawm a tih thu leh mahni hnam ziarang pho lang thei theuhte naupangin an entirte chu zirtirtute fakawm a tih thu a sawi.
Zirlai ten ngaihtuahna sang tak an neih a tul thu sawiin, Mizoram pela hnathawk thei tura inbuatsaih tur leh Hindi thiam ngei ngei turin theihtawp chhuah turin a sawm.
JNV School School hi Mamit-ah kum 2008 ata- nga din tan a ni a, Zirna In hmun nghet an neih hmain a theih ang angin hmundangah zirna kalpui thin a ni, tuna hawn tak School Campus hi kum 2013 ah sak tan niin nikum September khan Rs. nuai 2973.64 senga sak zawh a ni. Campus chhungah Academic Building -1, Kitchen & Dinning Hall -1, Boys Dormitory -4, Girls Dormitory -2, Staff Quarter -3, Principal Residence -1, zirlai pawlruk atanga pawlsawm thleng zirlai 155 an awm mek a, Principal hovin Staff 21 an awm bawk a ni.