AZL: Thawhlehni zing khan 2 Assam Rifles bul tumin Mizoram State Day lawmna chi khat atan Assam Rifles War Memorial-ah Chief Minister Lalduhoma leh mi pawimawh dangten hriatrengna pangpar an dah.
Chief Minister Lalduhoma bakah hian Chief Secretary Dr. Renu Sharma, Director General of Police Anil Shukla, Col. Mukesh Sauhta, Commandant, 2 AR leh Assam Rifles officer dangte bakah Hav. Lalbiakthanga, Padma Shri, World War Veteran leh Surg Lt. Cdr. Lalnuntluanga, Director, Sainik Welfare & Resettlement ten pangpar hi an dah a ni.
2 Assam Rifles hotute hian Assam Rifles hi Mizoram state peng pakhat an nih thu sawiin, state day hi urhsun taka lawmin, ram tama nunna lo hlan tawhtute hriatrengna atan an buatsaih tih an sawi.