Sorkar thar kaihhruaina hnuaiah England rama sikul zawng zawngah mobile phone khapna thupek chhuah a ni ta.
PM Rishi Sunkak sorkar hian sikul kal chhung zawng leh chawlh (break) lai te a mobile phone an khawih leh khawih loh enfiah turin headteacher te chu thuneihna pe in, sorkar pawhin a vilpui dawn a ni.
Policy thar hian ramchhunga sikul zawng zawngah awmze nei taka zirna kalpui a nih theihna tur a chawisang dawn a, sikul te hian an remchan dan angin sikul compound chhunga mobile phone hman khapna te, zirlaite’n sikul an thlen turala an mobile phone lo lakkhawmsak te bakah sikul hun chhunga lo dahthatsak te thlengin an kalpui thei ang.
UK Education Secretary Gillian Keegan chuan, “Sikul hi naupangte tan thil zirna hmun a ni a, mobile phone hian classrooom-a thil tul lo a keng tel thin,” a ti.