Aizawl: Nimina Budget session neih chhunzawm a ni a, tun hnaia minister hlui thi, KL Lianchia sunna hun hman a ni.
Chanchin leh sunna thu sawitu House Leader Chief Minister Lalduhoma chuan Lianchia chu kum 1933 February 7 khan Biate khuaah a piang tih sawiin, zirna lamah BA, B.ed a nih thu leh sorkar sikul hrang hrangah thawkin headmaster hnate a thawh tawh thu a sawi.
A sawi zel danin kum 1982-ah People’s Conference party zawmin Lungpho bialah tum hnih leh Khawhai bialah tum thum MLA atan thlan tlin a a, kum 1998-a MNF leh MPC sorkar intawmah cabinet minister a ni a, a hun tawp thlenga ZPM Val Upa Council member a ni.
Lianchia hi January 14, 2024 khan pneumonia avangin a chenna in, Electric Vengah kum 91 mi niin a thi a ni.
House member hlui uina thu hi Leader of Opposition Lalchhandama Ralte leh ZPM member Vanlalhlana ten an sawi a, hemi hnu hian member hlui sun nan member te ngawi rengin minute khat an ding a ni.