School Education minister Dr Vanlalthlana chuan zirtirtu political transfer nia hriatte chu ngaih pawimawh hmasakah an awm dawn tih House a hrilh.
Mizoram Assembly budget session neih mekah nimina zawhna leh chhanna hunah zawhna leh zawh belhna te chhangin Dr Vanlalthlan chuan, zirtirtu political transfer chungchangah lehkha a thleng hnem tih sawiin, khawthlang lam atangin report a tam lehzual niin a sawi.
Dr Vanlalthlana chuan, “Tunah hian ngaihtuaha kan seng mek a, political transfer nia hriatte chu ngaih pawimawh hmasakah an awm dawn,” a ti.
School Education minister in House a hrilh danin, Aizawl Municipal Area chhung govt primary school 111 leh govt. middle school 76 a awm a. Govt. primary school-ah zirlai 7,454 leh zirtirtu 636 an awm a, Govt. Middle school-ah zirlai 4011 leh zirtirtu 634 an awm.