K-pop star lar pakhat chu bialpa neih vanga fan te phatsana puh a nih a nih hnu-ah ngaihdam a dil.
Karina hian kil hrang hrang atanga umzui a hlawh tak vangin actor Lee Jae-wook nena an inngaihzawn tak vanga hriatthiamna leh ngaihdam a dilna hi fan thenkhatte’n a agency awmna lama truck nen an in luh chilh hnu-ah hriat a ni nghal.
Truck-ah hian, “Fan te’n hmangaihna an pek che hi i duhtawk mai lo em ni a?” tih ziah an tar kuau mai.
Instagram kaltlangin pop star Karina chuan fan te rilru a tihhliamna chu tihdamsak ngei a tiam.
“Nasa taka ka barakhaih che u vangin ngaihdam ka dil. Tun hnu ah chuan puitling zawka chet ka tum a, chhungril lam taimakna nen inrawng ka bawl ang,” tiin kum 23 mi hian a ziak.
Kum 2020 khan Karina (Yu-Ji-min) leh hmeichhe dang pali te chuan aespa hmingin ‘Black Mamba’ single an tichhuak a, rimawi khawvel an barakhaih.
Nikum khan an record siamna album, ‘May World’ chu South Korea ringawtah copy maktaduai 2.1 an hralh.