#Zozam Times May 14: Central Board of School Education (CBSE)-in board exam result nimina a tihchhuahah Mizoram sorkar hnuaia CBSE affiliated school awm chhun MICE result a tha hle.

Mizoram Institute of Comprehensive Education (MICE) hi Mizoram atanga CBSE zawmtu an ni a, CBSE result nimina tih chhuahah khan pawl 10 leh pawl 12 Arts-ah 100% an pass a, Science stream-ah 98% an pass thung.

MICE sikul atanga pawl 10 board exam beitu hi an vaiin mi 18 niin, an pass vek a. Distinction-ah mi 2, first division-ah mi 10 leh 2nd division-ah mi 6 an pass. Pawl 10-a ti tha ber Lalnunmawia’n mark 388 a hmu a, a ni hi Manipur tualchhung buaina avanga Mizorama rawn tlanlut a ni.

Pawl 12 Art stream-ah candidate mi 56 te chu an pass vek a, distinction-ah mi 24, first division-ah mi 28 leh 2nd division-ah mi 4 an pass a ni.

Science stream ah candidate 46 awmah mi 1 a fail thung a, Science ah hian distinction-a pass mi 5, first division-ah mi 36 leh 2nd division-ah mi 4 an pass bawk.