Saudi Pro League te chuan Manchester United senior player pahnih; Brazil midfielder Casemiro leh Portugal midfielder Bruno Fernandes te lak tumin an ngaihven. (Telegraph – subscription required)
England U20s international in contract thar an zawrh a hnar vangin Arsenal chuan an rwlthar beiseiawm zinga mi defender Reuell Walters an chan mai hmel ta hle. (Athletic – subscription required)
Real Madrid chuan England international Trent Alexander-Arnold chu Liverpool atanga lak tumin an ngaihven chhunzawm zel. Anfield a defender leh midfielder ni kawp thei bawk Arnold-a contract dinhmun hi a chiang lo chho ve mek. (Fabrizio Romano via Football365)
Inrinni zanah Toulouse nen an inhmachhawn hma khan France striker Kylian Mbappe leh Paris St-Germain president Nasser Al-Khelaifi te inkarah buaina lian tak awm anga report awm chu French champion hian an thuchhuahah an tarlang lo. (Marca – in Spanish)
Bayer Leverkusen coach Xabi Alonso chuan a club hlui pathum Liverpool, Real Madrid leh Bayern Munich te chu a la enkawl ngei a beisei a. Mah se, a hming indawt dan hi chuan a ni kher lo thung ang. (Abendzeitung – in German)
Bayern Munich in an manager thar atan Crystal Palace boss Oliver Glasner ngaihven bawk mah se, English club Palace in zangnadawm nan £86m zet an phut tih an hrilh hnuin an ngaihven chhunzawm ngam tawh rih lo. (Bild – in German – subscription required)
Antonio Conte-a’n a hlawh phut zat a tihniam theih tak vangin Napoli chuan Chelsea leh Tottenham manager hlui Conte hi an dawr thar leh. AC Milan pawhin Conte hi an dawr ve bawk. (Il Mattino – in Italian – subscription required)
Sevilla leh Spain defender Sergio Ramos chu Major League Soccer club San Diego FC nen an indawr. (Athletic – subscription required)
England, Arsenal leh Chelsea left-back hlui Ashley Cole chu Championship club eng emawzatin an manager atan rawih an tum. (Mirror)
Chelsea chuan nipui bazar inhawn hunah forward, left-back leh central defender lak ngei an tum a. Club sporting directors Paul Winstanley leh Laurence Stewart te chuan transfer business an enkawl chhunzawm leh ang. (Telegraph – subscription required)
Manchester United winger hlui Nani chu Turkish club Adana Demirspor in a contract an titawp a, kum 37 mi hian club thar tur a dap leh mek. (Mirror)