Bayern Munich chuan nipui bazar inhawn hunah Manchester United leh Portugal midfielder Bruno Fernandes lak an tum. (Independent)
Bayern Munich player thenkhatte chuan an manager Thomas Tuchel chu a thutlukna siam tawh sutin, an hnena cham chhunzawm turin an duh a. Tuchel cham tura duhtu langsar zingah England striker Harry Kane pawh a tel. (Abendzeitung – in German)
Manchester United chu Everton defender defender Jarrad Branthwaite manah £55m tawktarh turin an inpeih. (Mail)
Manchester United chuan nipui bazar inhawn hunah English defender Aaron Wan-Bissaka dawrtu an awm a nih chuan tha taka dawnsawn an tum. (Sun)
Netherlands defender Jeremie Frimpong chuan nipui bazarin inhawn hunah Beyer Leverkusen chhuahsan ngei a tum a. Real Madrid, Manchester City, Arsenal leh Manchester United te chuan Frimpong hi a lakchhuah theihna zat £35m in lak an huam hlawm. (Bild – in German – subscription)
Arsenal leh Manchester City te chu Newcastle United nen Brazil midfielder Bruno Guimaraes chungchangah an indawr. (Caughtoffside)
Chelsea chuan Belgium striker Romelu Lukaku manah £35m vel bawr chu pawm theih an tum. (Football Insider)
Manchester United in an manager Erik ten Hag an ban a nih chuan Brentford manager Thomas Frank chu United manager thar ni tura rinkai zual zingah a tel. (Telegraph – subscription)
Manchester United hian an hnenah coach hna lo thawk tawh Ipswich manager Kieran McKenna pawh an be bawk. (Star)
Napoli chuan Chelsea leh Tottenham manager hlui Antonio Conte chu an manager ni a, kum khatah £5.6m hlawh turin an sawm a. Conte ngaihventu dang AC Milan chu an thawm a reh ve thung. (Sport Italia via Football Italia)
AC Milan chuan Tottenham leh Brazil defender Emerson Royal an ngaihven. (Fabrizio Romano)
Manchester United chuan Newcastle United hmakhalhin Fulham defender Tosin Adarabioyo lak theih ngei an inbeisei. (Talksport)
Liverpool chu Nice leh France midfielder Khephren Thuram zawrh an ni a, an duh chuan kum 23 mi hi nipui bazar inhawn hunah £13m sengin an la thei dawn. (Mirror)
Feyenoord boss Arne Slot chuan Jurgen Klopp hmunruak luaha Liverpool a enkawl hunah a assistant manager ni mek Sipke Hulshoff chu a backroom staff atan ruat nghal a tum. (ESPN)
Wolves chuan an manager Gary O’Neil chu kum thum daih contract an zawrh a rinawm. (i – subscription)
Juventus chuan season tawp rualin an manager Massimiliano Allegri nen inthen an duh. (Rudy Galetti)
Al-Ahli a khel mek Spanish midfielder Gabri Veiga chuan Europe lamah kir leh a duh thu a sawi hnuin Aston Villa chuan kum 21 mi hi lak tumin an ngaihven nghal. (Givemesport)