Football ah khawmual anga inelna upa ber Copa America chu June 20, 2024 atangin khelh tan a ni dawn. Copa America buatsaihtu CONMEBOL in player thlak zat chungchangah ngainathiamna zau tak an nei a, hliam vang a nih chuan player paruk thlak theih a ni dawn.
Copa America-ah hian dan pangngaiah chuan player panga thlak phak a ni a. Panga an inthlak hnuah hliam vanga khelh chhunzawm thei lo an awm a nih chuan pakhat inthlak phalsak leh an ni dawn. He dan hi Copa America dangah pawh hman a lo ni tawh thin. International Football Association Board (IFAB) in inkaihruaina dan nei bawk mah se inelna buatsaihtuten tournament dan an duh anga duan theihna zau tak an pe tel tho bawk.
Tarlan tawh angin Copa America 2024 hi June 20-ah khelh tan a ni ang a, July 14, 2024-ah final khelh a ni ang.