Elvis Presley Inpui (Mansion), Graceland Estate hralh tuma hmalakna chu Judge-in a block ta a, load rulh ngai la awm vanga lilam tumna chu remtihsak a ni lo.
Elvis Presley tunu actor Riley Keough chuan lilam tumna block tura court-ah zualko in, rimawi khawvela chanchina building langsar tak mai hralh tumna ah hian thil fel lo lian tak a awm, tiin a thlen.
Shelby County Chancellor JoeDae Jenkins chuan lilam tumna hi thulh lai lawk tura thupek a tichhuak ta a ni.
Granceland aiawh pakhat chuan, “Court-in a tichiang ta bawk a, neitu bik nih tumna ah thutling a awm lo. Graceland hi kum 42 kalta atang tawha kalpui a lo ni tawhnaah khawvelpuma Elvis-a fan te’n he In mawi leh ropui tak an tlawh zel theihna zalenna te pawh tunah chuan tihchian lehzualin a awm ta,” a ti.
Elvis-a tunu Riley hi Graceland Estate neitu awmchhun ah puan a ni tawh a, nikum 2023 a a nu Lisa Marie Presley a boral khan neitu nihna a kutah a tlulut nghal.