Nimin khân Synod Hospital, Durtlang hnênah Haemodialysis Machine chu Mizoram Rural Bank aiawhin Sheryl L Vanchhong, Chairman, MRB chuan a hlan a, hospital aiawhin Dr H Lalṭhakima, Director-in a dawng.
MRB Chairman chuan Synod Hospital chu state mipuiin an thlamuanpui thu sawiin mipuite chhawr ṭangkai theih tûr thil engemaw CSR kaltlanga ti theia MRB a awm chu lawmawm a tih thu a tarlang bawk.
Synod Hospital, Durtlang leh MRB chu inhne tawn renga thawkho an nihnaah lâwmthu sawiin hospital leh a thawktute tana MRB-in a remchang leh a ṭha thei ang bera service pek reng chu MRB ngaih pawimawh a nih thu a sawi bawk.
MRB chuan Mizoram chhung hmun hrang hrangah Branch 104 a neih avângin state mipui-te tan a ṭangkai êm êm a, hmun kilkhawr ber thlenga awmte tân pawha hman ṭangkai theiha an awm thu sawiin nasa lehzuala MRB (Mizo bank) chhawr ṭangkai turin Zoram mipuite a sawm.