Valentine’s Day hmaa Film thar, ‘Gehraiyaan’ tichhuak tura inbuatsaih mek Deepika Padukone chuan inlaichinna tha leh hrisel awm tur chuain inbiakpawh (communication) tha a pawimawh hle, a ti.
Bollywood superstar hi 2018 khan TIME magazine-in khawvela huhang ngah ber 100 a thlanchhuahah a tel pha a, actor Ranveer Singh-a nupui ni bawk hian hmangaihna chu inrintawnna, inthianthat tawnna leh inzawmna thuk tak a nih thu a sawi bawk.
“Inlaichinna hlawhtling nei tur chuan thinlung taka inbiakpawh tawnna a pawi-mawh hle. Mi pahnih hi eng-tik lai pawha inmil leh inrem thlap thlap theih a ni lova, ngaihdan leh pawmdan hrang nei vek kan ni.
“Engkima inmil leh inrem thlap hi a tul ber lova, chumi rualin, thinlung taka inbiakpawh a, rilru dik tak inhrilh tawn hi thil tul em em a ni,” tiin IANS nena interview-ah a sawi.
Deepika hian inbiakpawh tawnna a ngaipawi-mawh hle a, a key pui leh thil pawimawh tawpkhawkah a dah. “Inhnialna leh pawmdan in an lohna a awm pawhin engtin emaw taka inbiakpawhna vawn nun hram hram a tul hlein ka hria,” a ti bawk.