- Robert Zoliana
Hripui thawhkhatna leh thawhhnihna kha naupangte’n an tuar na lem lova, a thawh thumnaah erawh a na chho hle.
I fa la naupang deuh te’n Covid-19 an kai a nih a, In lama enkawl a nih chuan an hriselna leh an immune system tihchak kawngah hriat tur leh bawhzui tur pawimawh tarlan a ni ang.
Chanchin lawmawm erawh chu symptom nei na lem lo te chu an mahniin an dam veleh mai thin a. Chawlh hahdam, ei tur tha lakluh leh mut that te hian nasa takin a pui thei tih hriat a tha.
Engpawhnise, heng a hnuaia tarlan te hmang hian hripui kai i fate i enkawl dawn nia:
Ei tur tha
Mithiamte sawi danin, In lama tui tak leh hrisel taka siam ei leh in lakluh that hi thil tul leh pawi-mawh tak a ni.
Khawsik enfiah
Hripui kaihhnawih thilah i fate’n khawsik an nei thei reng a, chuvang an dinhmun enfiah fo hi thil tul a ni bawk.
Invawnfai
In chhungah inkhung hrang mah se, sahbawn nena fai taka kut sil thin hi awmze nei leh tha taka kalpui reng tur a ni.
Oximeter
Taksa lumna leh oxygen dinhmun hi Covid-19 boruakah hian a danglam (fluctuate) thei a, a theih chuan darkar 6 dan zela an dinhmun hriat theihna tur pulse oximeter in-chhawp a pawimawh ang.
Khung hrang la
Covid-19 a kai a nih chuan chhungkaw member dangte nena inhnim-hnai lutuk lova, khunghran a tul hlea ni.
Mask vuah se
In lama enkawl a nih lai hian naupang khan mask tha takin a vuah tur a ni a, darkar 8 dan zelah mask hi thlak tur a ni.
Invenna lâk
Fa te an lainat awm a, an khawngaihthlak rual hian, invenna tha nei lova buaipui bawrh bawrh a him lo tih hriat a tha. Fimkhur hle ang che.
Doctor ráwn la
Damdawi leh thil tul dang pek a nih hmâ in, doctor thurawn leh ngaihdan lak hmasak zel tur a ni ang.