St. Paul’s HSS chuan Investiture ceremony nimin khan St. Paul’s HSS Auditorium ah an hmang a, Lalnghinglova Hmar, Minister of State chu Khuallian niin he hun hi a hman pui. Investiture hi kumkhat chhunga Zirlaite Hruaitu (House Leaders) te lak luhna inkhawm leh hunserh pawimawh tak niin, he hun hi khunkhan taka hman thin a ni.
Chief Guest hian House Leaders te lak luhna (Oath Taking) a neih pui hnuin, zirlaite fuihna hun a hmang a, a zir chhuahna school St. Paul’s-a khuallian anga a kir leh chu a lawmzia sawiin zirlaite chu ruihtheih thil laka fihlim turin a chah a, Social Welfare leh Tribal Affairs Dept-in kum 2022 a survey a buatsaihnaah chuan Mizoram chhunga High School leh Higher Secondary zirlaite zinga zaa sawmngate chu ruihtheih thil leh vaihlo kaihhnawiha fihlim lo niin he mite hian drugs tih duhna rilru an pu hma zawk a, Mizoram zirlaite zingah ruihtheih thila fihlim lo an awm mek thu a sawi. Skill development leh entrepreneurship lamah Mizo lehkhathiam ten ngaihtuahna kan sen a, sorkar hna, doctor leh engineer ringawt nih tum lo a, mahnia eizawnna ngelnghet neih tum turin a fuih a ni.
Zirlaite chu vision mumal tak nei tura fuihin UPSC Civil Service exam pek tumte chu Pawl 9 an nih atanga inbuatsaih turin leh an tum tihlawhtling turin a fuih bawk.