A thusawi duh dan leh hawr her, a mit meng leh hmel lan dan te bakah a taksa chet dan atang te khan hai rual loin a lang thei a. I chhungrila hriatna te pawh kha i rin ngam a ngai zawk ang.
A TAWNGKAMC NGAI CHANG RAWH
Dawtsawithinte hian an sawi tur hi englaimahin an theihnghilh ngai lo. Mahse, an han sawi chhuah meuh hi chuan an hawiher leh chevel a mumal lo nghal hle a, kar laklawhah an thusawi thlak zung zung an ching.
A CHET DAN ENCHIANG RAWH
An sam an khawih chhenin emaw, aw a thian deuh kurh kurh thin emaw a mit a nuai deuh fo a nih chuan rinhlelh vak a sual tawh lovang. Tin, inawm dun laia a kut leh ke dah dan atangte pawhin awlsam takin a hriat theih. Bum hmangte hian chil lem ringawtte hi an harsat viau thin a, an lû te hi an thing leh mai thin. Thusawi lai chawlhsan a, subject dang-ah i kaipui veleh an thaw huai anga, an nui deuh uarh uarh ang.
A INVEN DAN ZIRCHIANG RAWH
Dawtsawi hmang te hian inthiam-lohna an nei hma thei hle a, rinhlelh an kai tih hi an hriat veleh an tang nghal rum rum thin. Tin, thu an sawi zuah zuah thin a, insawifiah tak tak tur chuan hun rei tak an hmang thin lawi si.
A HMELHMANG BIHCHIANG RAWH
Dawtsawi hmangte hi a tlangpuiin an chezia thunun turin chakna an nei tawk lo tlangpui. An nervous tih a hriat theih a, an hmai hup an ching hle bawk. A khat tawkin an ka an hup thin bawk a, a lemin an nui tih chu hairual a ni ngai lo.
A HNAR CHIK CHIANG RAWH
Tungchhoa kal mihringte hian dawt kan sawi tawh chuan taksaa thisen hi a in pump vak thin a, chu chu hnar-ah a lo lang hma hle. Dawtsawi dawn emaw a hnu-ah hnar han khawih neuh neuh hi han tum lo viau thin mahila, kut hi a lo thleng leh nge nge thin.
A MIT MENG ENFIAH RAWH
Nangmah hawi zawng emaw hmalam en kar hi a harsat hle ang. An khap fawk fawk loh paw’n engemaw thil mak hmu ang maiin an enkual sek bawk ang.
Mihringin thu dik tak a sawi chuan chung lam a hawi deuh vah chungin veilam a en thin a, a chhan chu- thluak awmna hi veilam deuhah niin information a lak kir lehna hmun a nih vangin. Dawt a sawi anih erawh chuan chunglam en tho siin dinglam a melh chhen ang, ngaihtuahna a hmanna thluak lam niin a chhan chu thil thleng tak tak lo- thleng ni awm ziazangin a ngaihtuahna a sawr bing vak vak tihna a entir.
A taksa chetna mai bakah a aw key control turin dawtsawi thin hian harsatna lian tak a nei a. A changin a aw key san dan a rawn danglam thin anga, ‘umm’ tih leh ‘ahh’ tihte hi a ri chhuak fo vang. A chhanna te lah chu a by-heart sa emaw tih mai tur a ni.