Turkey club lian Fenerbahce in ngaihven bawk mah se Brazil winger Antony chuan Manchester United chhuahsan a hreh hle. (ESPN)
Newcastle United in England defender Kieran Trippier kawl chhunzawm an duh a ni tih an sawi chian hnuin kum 33 mi Trippier lak tumtu Turkish Super Lig clubs Istanbul Basaksehir, Fenerbahce, Besiktas leh Eyupspor ten lak an tumna an bansan zui nghal. (Sky Sports), external
Aston Villa chuan nipui bazar inhawn lai khan Colombia striker Jhon Duran lak tuma dawrna tha hnem tak an dawng a, an hnar vek. (Mirror)
Manchester United chuan kum 21 mi Sevilla right-back Juanlu Sanchez an thlithlai. (AS – in Spanish)
Real Madrid pawhin Sanchez hi an ngaihven ve bawk. (Teamtalk)
Newcastle manager Eddie Howe leh sporting director Paul Mitchell ten thlasik bazara chet lak dan tur chungchangah ngaihdan inang lo an neih chu chin fel a ni. Newcastle hian thlasik bazara lak an tum zual zingah Crystal Palace leh England defender Marc Guehi a tel. (Telegraph – subscription required, external)
Chelsea chuan Stamford Bridge chhuahsanin Earl’s Court lamah khelmual thar tha zawk sak tumin hma an la. (Guardian)
Leeds United a chhuahsan hnua club zawm la nei lo Scotland defender Liam Cooper chuan CSKA Sofia a zawm fel thei tep tawh. (Football Insider)
American businessman John Textor chuan Everton a lei theih ngei a beisei viau a, Toffees hi thla li chhungin a lei fel theih a beisei. (Guardian)
Stockport County assistant coach Andy Mangan chuan Real Madrid zawmin an coaching team ah tel tum mah se Brexit regulation vangin work permit a nei fel thei lova, Real Madrid hi a zawm thei rih lo. (Times – subscription required)
Tottenham chuan nipui bazar inhawn lai khan kum 26 mi Argentina defender Cristian Romero lak tuma ngaihventu Manchester United, Real Madrid leh Paris St-Germain te an hnar vek. (TyC Sports, via Mail)
Galatasaray chuan kum 20 mi Chelsea leh England youth winger Carney Chukwuemeka chu loan a lak tumin an ngaihven. (Teamtalk)