Aizawl: Mizoram AAP hruaitute chuan nimin khan National Institute of Technology (NIT) Director Prof. S. Sundar hmuin tun hnaia faculty an lak thar turah ram leilung faten hamthatna an neih theih nan ngaih pawimawhsak tura an ngen.
Mizoram AAP hruaitute chuan thawktu lak chungchangah induhsak bikna awm lo se an duh tih an sawi a. Thil fel lo a awm a nih chuan hma an lak chhunzawm tur thu, NIT Director an hrilh bawk.
Mizorama zirna pawimawh NIT hi Mizoram sorkarin pawhin ngaihsak se an duh tih Mizoram AAP hruaitute’n an sawi a. Campus tha tak an neih vat theih nan an harsatna chin fel sak turin an ngen nghal bawk.