Aizawl: Tlawmngai pawl, Foundation For Drug-Free Mizoram chuan nimin khan Chief Minister’s Relief Fund-ah Rs 10,000 an chhunglut.
CMO-a Chief Minister’s Relief Fund-ah sum an chhun luh zawh hian Chief Minister Lalduhoma chu kawm nghal Foundation For Drug-Free Mizoram chuan Mizorama ruihhlo dona a lungthu pathum – Supply Reduction, Demand Reduction leh Harm Reduction te chu tan rual thiam a ngaih thute thlenin hmalak dan turte an sawipui nghal.
Foundation For Drug-Free Mizoram hian kum 2019 atang khan Mizoram dung leh vangah ruihhlo la ti ve lo naupang leh tleirawl te zingah ruihhlo venhna thawkin hma an la a. Tun dinhmunah an pawl member 1,211 awm mekin; an rawngbawlna kaltlang hian tleirawl mi 20,000 te chu ruihhlo laka fihlim turin an lo intiam tawh niin pawl hruaituten an sawi.