Aizawl: January 12, 2025 (Pathianni) chawhnu khan Mizoram chhung leh pawn hmun hrang hrangah Pastor leh Pro. Pastor dah ngheh (Induction) hun hman a ni.
Synod puipate zingah Moderator Rev. R.C. Lalnghakliana’n Champhai Vengsang bialah hun a hman pui a. Synod Secretary (Jr) Rev. B. Zohmangaiha’n Saikhawthlir bial; Finance Officer Rev. Vanlalzuata’n Chhinga Veng bial leh Senior Exe. Secretary Rev. V.L. Luaia Hranleh in Suangpuilawn bialah hun an hmanpui bawk.
January 19, 2025-a Pastor Induction nei turin Hyderabad bialah Rev. Dr. K. Lallawmzuala, Executive Secretary leh Madras Christian College, Chennai-ah Rev. Dr. Rosiamliana Tochhawng, Executive Secretary te an kal ang.