US president Joe Biden leh Israel prime minister Benjamin Netanyahu te chuan Gaza buaina chungchangah inkahhai puan mek leh inremna zawnga ke penna chungchang phone hmangin an sawi dun.
An inbiakna atanga a lan danin Israel leh Hamas buaina chungchangah hian remna kawng a inhawng mek zel nia sawi a ni a, buaina hi la reh fel chiah lo mah se, hmasawnna erawh a awm zel nia sawi a ni.
US president hian thuneihna rei lote a la neih chhung hian Gaza buaina hi a theih ang anga chinfel a duh nia sawi a ni a, kar khat erh awrh bak thuneihna a neih tawh loh avangin Israel hi a be pawp reng nia sawi a ni bawk.
Israel PM pawhin US chu kawng engkima buaipuitu leh a hmachhuan ber a nih avangin remna zawnga ke an penna kawngah an thurawn lakna ber a la nih reng thu sawiin, sorkar thar an neih hnuah pawh an tan hmasawnna thlentu an la nih zel a beisei thu a sawi ve bawk.