Country singer Carrie Underwood chu president thlan thar Donald Trump lakluhna inkhawmah ‘America the Beautiful’ tih sa tura nemngheh a ni.
Underwood sawi danin, ‘Kan ram hi ka hmangaih a, hruaitu lu lakluhna inkhawm meuhah he hla sa thei tura tih ka ni hi vannei ka inti hle. Tel ve zinga ka awm tur hi ka lawm hle bawk,’ a ti.
President thar lakluhna hi January ni 20 hian US Capitol-ah neih a ni dawn a, Trump chu president 47-na ni tura lakluh a ni dawn a ni.
Lakluh inkhawmah hian Supreme Court Chief Justice John Roberts chuan president hi thutiam lak tirin, Justice Brett Kavanaugh chuan vice president JD Vance thutiam a laktir ve thung ang.