PC party-in Power & Electricity department-a mamawh loh leh ṭul lova thawktu mi 973 rawih chungchang leh hemi avanga mipui ten thlatina electric bill-a harsatna an tawh chungchanga debate neihpuiah MNF party an sawm.
PC party chuan P&E deptt-ah mamawh loh leh ṭul lova thawktu rawih mi 973 an awm thu leh hemi avanga mipuiin thlatina electric bill-a harsatna an tawh thu thuchhuah siamin an tarlang tawh a. Hemi chungchangah hian MNF party chuan PC party chu thudik ziktluaklo, mipui rilru hruai kawi thei hmanga thuchhuah siamah an puh thung.
Hemi chungchangah hian Zoram mipui ten thudik ziktluak zawk an hriat ngei theih nan thuchhuah hmanga inchhang mai lova TV kaltlanga debate neih ngei ṭul an tih tuh PC party chuan an sawi a. “MNF party hian mipuite thudik hriattir an duh takzet a nih chuan a rang thei ang bera debate hmanga hmachhawnpuiah kan sawm a ni” an ti.