NBA champion lai Milwaukee Bucks tan an star player Giannis Antetokounmpo chuan tun season a point a score tam ber \um a hmang a. Team khaipa ber ni lehin Indiana Pacers 128-119 in an hneh.
Bucks hi a zawna vawi hnih chak lo zawn tawh an ni a, mahse Pacers lakah tun season-ah vawi li an inkhelh a vawi li an chakna ni turin Antetokounmpo leh a pawlte an che a. A zawna vawi 8 nan Pacers nen an inkhelhin an chak tawh.
Portland nen an inkhelh \uma a kheimit na avanga tel ve lo Antetokounmpo hian rebound 14 a la bawk a. Tun \umah hian harsatna engmah a nei lo tih lantirin first quarter-ah point 12 a score.
Tun season-ah point 40 a score tlin \um sarihna a ni a. Season liamta NBA Finals a an champion-na tur inkhel hnua point 50 a scopre tlin leh hmasak ber a ni a. NBA a a inkhelh chhungin point 50 a score tlin \um li na a ni.
Bucks hi vawi 36 an chakna niin vawi 23 an tlawm tawh a, Khris Middleton chuan point 19 score in Jrue Holiday chuan 14 leh assist vawi 8 a nei.
Inkhel zawhah Antetokounmpo chuan, “Chawlh hahdamna ka nei a, chuvangin inkhelh pawh a nuam. Point 50 score hi thil nuam a ni a, kan hriatreng zingah a tel \hin. Mahse ka ngaih pawimawh ber chu chak a ni a, inkhelh apiangin chak ka duh.” tiin a sawi a.
“Kan inkhel lehnghal thuai dawn a, All-Star break hma a kan inkhel hnuhnung ber a ni dawn a, chuvangin chak ngei kan duh. Kan chak chhung chuan ka lawm a, kan chakna tura tih ngai chu tih mai tur. Rilru in point 50 ka’n score ange tih rilru chauh a neih chuan a dik thei lova, chak a pawimawh hmasa ber.” tiin a sawi.
Pacers hi a zawna vawi sarih an tlawmna a ni ve thung a, 19-40 record an nei mek. An tan player thar Buddy Hield chuan 3 points vawi 8 lutin point 36 a score ve bawk a, player hmasawn leh beiseiawm Tyrese Haliburton chuan point 17 leh assist vawi 8 a nei.
Celtics in 76ers sawp
Boston Celtics chuan a zawna vawi 9 an chakna ni turin hnehna an chang a. Nilaini zing inkhelah Philadelphia 76ers 135-87 in an sawp.
Celtics tan Jaylen Brown chuan point 29 a score a, heng zinga 26 hi first half-ah score in Celtics hi an chungnung tluan.
Jayson Tatum chuan point 28, rebound 12 leh assist vawi 6 a nei a. Celtics hi Eastern Conference-ah a sang zawnga kalin an dinhmun an siam\ha a, tunah parukna ni mekin Play-in tournament khelh ngai lo turin an awm mek.
Celtics chakna hi 76ers nen vawi 457 an inkhelh chhunga a la san ber \um a ni a. 76ers tan Joel Embiid chuan point 19 leh rebound 9 a la a. An star player thar James Harden erawh inhliam a neih avangin a la inkhel lo.
Inkhel dangah point 41 score Atlanta Hawks chuan 116-124 in Cleveland Cavaliers an hneh a, Hawks hi Play-in khelpha turin 10-na an la ni ve mek.