Aizawl: BJP State Vice President Vanupa Zathang chuan India ramah 2025-2026 finance budget pharh thar takah Prime Minister Narendra Modi kaihhruai sorkarin mi rethei leh harsa zawkte a hmangaihzia a lang chiang hle tih a sawi.
Thawhtannia BJP Mizoram State-in an pisa, Mipui Run-a chawlhkar inhlanna leh political session an neihah thu sawiin Vanupa Zathang chuan BJP kaihhruai sorkar laipuiin finance budget 2025-2026 lo awm turah hian ram pum mipui middle class zaa 32 vel bawrte tana kum khat Rs nuai 12 la lut tling lote tan income tax an tihbote hian Modi sorkarin mi rethei leh harsa zawkte a hmangaihzai a tichiang hle niin a sawi a. Union budget chungchang pawh ngunthluk taka Mizoram mipuite pawh hian an zir a, an tana hamthatna sorkar laipuiin a siamte an lo hriat fiah ve hi a pawimawh thu a sawi.