‘The Mummy’ director Alex Kukrtzman chuan 2017 kuma a film siam chu mimal leh hna chungchanga a hlawh-chhamna lian ber a nih thu a sawi.
Superstar Tom Cruise channa ‘The Mummy’ film khan khawvelpumah $maktaduai 410 lalut mah se, Universal Studios-in $Maktaduai 95 zet a hloh tho a, awmzia a neih loh bakah leiba nen an thu a ni deuh ber.
Action-adventure film-ah hian milar tak tak inlan nual mah se, an chetthapui lo hle, tihna a ni.
“Hlawhtlinna atang hian engmah zirlai zir tur a awm lo, an tih fo hi chiang fek fawkin ka hriatthiam phah.
“Hlawhchhamna atanga zawk hia hringnun zirlai kan zirchhuak zawk thin,” tiin tawnhriat kha leh duhawm bawk si hi Kurtzamn hian tunhnaia PEOPLE magazine kaltlanga podcast-ah a sawichhuak.
“Kawng lehlamah chuan khati anga tihsual leh tih dik loh neih theihna remchan ka nei kha a lawmawm tho chuan ka hria.
“A chhan chu, mi khauh zawkah min siam a, fim siamtu tana hmathlir fiah zawk min thlen,” a ti bawk.