Anmahni kalna line-ah chuan thawm nei lian leh huhang ngah ve ve an ni. Mahse, an inkawp hnuin vantlang hriatah thawm an chhuah tawh lo a, an reh dun vang vang hle.
January thla tawp dawn lamah khan tennis star thin Anna Kournikova chu Miami-ah hmuh a ni a, kum 43 lai a ni ve tawh chungin a thatna erawh a la chuai lo hle.
Zaithiam Enrique Iglesias leh Anna Kournikova te nupa chuan anmahni kalna line ve vea an rehna chhan chu an fate tana nun hman leh la uap lum an duh rih vang a nih thu source thenkhat chuan an tarlang a, hei hi a pawmawm viau.
December thla khan Iglesias, kum 49 mi hian interviewer pakhat hnenah a fate pathum tana hun an hman thu hi sawi zauhin, a fate chuan zaithiam huhang ngah zet a nih pawh an awih lo hial zawk niin a sawi.
Kournikova leh Iglesias te nupa hi kum 2001 ‘Escape’ music video siamna atanga inchharin, a hnuah an inawmchilhzui a, fa pathum Mary (3) leh phir unau Nicholas leh Lucy (5) te an nei tawh a ni.