Aizawl: College of Veterinary Science & Animal Husbandary (CVSc & AH), Central Agricultural University, Selesih chuan February 3-7, 2025 chhung khan College Annual Week an hmang.
College Week-ah hian inelna hrang hrang – indoor games, outdoor games, literary, quiz, debate, cultural leh a dangah inel a ni a, class pariat (1st yr BVSc & AH atanga 5th yr BVSc & AH, 1st yr leh 2nd yr MVSc leh Ph.D class-a inthenin intihsiak a ni.
Week kharna hi February 7 chawhnu khan an college auditorium-ah an hmang a, Vanlallawmzuala Varte (LZ Varte), Mizo cyclist leh environmental activist, ‘Ride to Clean Air’ tih thupui hmanga India ram cycle-a fang chhuak rang ber record neitu chuan khuallian niin a hmanpui a. CVSc & AH Dean Dr. Lalnuntluangi Hmar pawh a tel bawk.
Khuallian LZ Varte chuan inelna hrang hranga chakte hnenah lawmmman a sem a. Hetianga college-in zirlaite tana week a hmang thei chu lawmawm a tiin zawngchhangtlak a tih thu a sawi.