BLACKPINK chuan kumin nipui chhung hian khawvel hmun hrang hrang fan hman an tum thu an sawi.
Kar liam ta khan Lisa, Rose, Jisoo leh Jennie te telna K-pop girl band hian kumin nipui chhung hian tour neih an tum thu an sawi a, Asia mai bakah United States leh Europe hmun thenkhatah an kal tur thu an sawi a ni.
YG Entertainment dintu Yang Hyun-suk chuan nikum July thla khan music thar nen tour an neih tur thu hi lo sawi tawhin, BLACKPINK atanga bul an tan thei tur chu lawmawm a tih thu a sawi a, an tan pawh world tour chu kum tha a nih pui ngei a beiseipui thu a sawi.
BLACKPINK te hian kum 2016 khan an single “Boombayah” hmangin hming an chher tan a, he an hla hi Billboard world digital sing chart-ah No. 1 a ni hial.
An tour hnuhnung ber chu kum 2022-2023 khan Their Born Pink World Tour hmangin an nei a, hemi tum hian show 66 nei hmanin, ticket maktaduai 1.8 zet an hralh chhuak a ni.