Mizoram Larsap Gen Vijay Kumar Singh chuan NHIDCL hnuaia four lane kawng lai mekah hna thawh theih hun chhung a tlem avangin chak taka hma la turin NHIDCL hotute a hrilh.
Inrinni khan larsap hian Kolasib tlawhin Kolasib DC Conference Hall-ah sorkar department hotute, khawtlang leh tlawmngai pawl hruaitute kawmin Kolasib district-a National Highway thawm that hna kal muang chuan mipuite harsatna nasa takin a thlen tih sawiin, NHIDCL hnuaia four lane kawng laih turah zangnadawmna leh forest clearance tihfel a nih tawh angin hna thawh theih hun a tlem avangin a rang thei anga hma la tur leh, harsatna a awm a nih pawhin amah hrilhhre zel tur leh puih a inhuam reng thu NHIDCL hotute a chah.