Aizawl: State Day of Prayer Committte chuan nimin khan ram pum huapa a huhova tawngtaina ni hman dan an thlir let a, kum thar lamah pawh State Day of Prayer hman chhunzawm an rel.
State Day of Prayer Executive Review Committee thukhawm chuan, Mizoramah chauh ni lo, India ram chhung leh ram pawn hmun eng emaw zatah State Day denchhena, Mizoram tan tawngtaina hun an lo hmang ve chu lawmawm an tih thu leh programme hlawhtlinna tura thawktu zawng zawngte chungah lawmthu thu an sawi.
State Day of Prayer hmanaah thusawitu chief minister Lalduhoma leh Frederick Lalrindika, political party hrang hrangte leh mahni sensoa zaipawl pui, mi 1,200 chuangin Pathian fakna hla an hlantute chungchang lawmthu sawiin, kum thar lamah pawh State Day of Prayer hman leh ngei tura tun atanga tawngtainaa hma lak nise an ti.
Hriat theih chinah, February 20, 2025 khan State Day of Prayer hi Mizoram district zawng zawngah leh RD Block tin mai bakah, khaw 100 chuangah he hun hi hman a ni.