Mizoram Agriculture Marketing Board (MAMB)-in sawhthing chingtute thar chhuah sawhthing a lei khawlte chu vawiin hian buyer pahnihin Buffer Stock Point atangin an la chhuak tan dawn.
The Zozam Times thudawn danin, February 20, 2025 atanga Mizoram Agricultural Marketing Board (MAMB)-in Mizoram district hrang hranga District Agriculture Marketing Committee (DAMC) kaihhruaia sawhthing chingtute hnen atangin an sawhthing thar chhuah Inrinni thleng khan quintal 18,987.80 a leisak tawh.
Heng sawhthing a leisak zingah quintal 17,080 chu Buffer Stock Point thlenpui a ni tawh.
Vawiin hian sawhthingte hi North Eastern Regional Agriculture Marketing Corporation Limited (NERAMAC) leh IVC Agrovet company-ten Buffer Stock Point atangin an la chhuak tan dawn a. A leina zat tur erawh hriat chian theih la ni chiah lo mah se, Kg-ah Rs 30/32 vel nia hriat a ni.